Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 45-1} viṭiyal ve katir kāyum vēy amal akal aṟai
• {KALI 45-2} kaṭi cuṉai kaviṉiya kāntaḷ am kulaiyiṉai
• {KALI 45-3} aru maṇi avir utti aravu nīr uṇal cettu
• {KALI 45-4} peru malai miḷirppaṉṉa kāṟṟu uṭai kaṉai peyal
• {KALI 45-5} urumu kaṇṇuṟutaliṉ uyar kural oli ōṭi
• {KALI 45-6} naṟu vīya naṉam cāral cilampaliṉ katumeṉa
• {KALI 45-7} ciṟukuṭi tuyil eḻūum cēṇ uyar viṟal veṟpa
• {KALI 45-8} kāl pora nuṭaṅkala kaṟaṅku icai aruvi niṉ
• {KALI 45-9} māl varai mali cuṉai malar ēykkum eṉpatu ō
• {KALI 45-10} pul ārā puṇarcciyāl pulampiya eṉ tōḻi
• {KALI 45-11} pal itaḻ malar uṇ kaṇ pacappa nī citaittatu ai
• {KALI 45-12} pukar muka kaḷiṟoṭu puli porutu uḻakkum niṉ
• {KALI 45-13} akal malai aṭukkatta amai ēykkum eṉpatu ō
• {KALI 45-14} kaṭai eṉa kaluḻum nōy kaimmika eṉ tōḻi
• {KALI 45-15} taṭaiyiṉa tiraṇṭa tōḷ takai vāṭa citaittatu ai
• {KALI 45-16} cuṭar uṟa uṟa nīṇṭa curumpu imir aṭukkatta
• {KALI 45-17} viṭar varai eri vēṅkai iṇar ēykkum eṉpatu ō
• {KALI 45-18} yāmattu um tuyilalaḷ alamarum eṉ tōḻi
• {KALI 45-19} kāmaru nal eḻil kaviṉ vāṭa citaittatu ai
• {KALI 45-20} eṉa āṅku
• {KALI 45-21} taṉ tīmai pala kūṟi kaḻaṟaliṉ eṉ tōḻi
• {KALI 45-22} maṟaiyil tāṉ maruvuṟa maṇanta naṭpu arukalāṉ
• {KALI 45-23} piṟai purai nutal avar pēṇi nam
• {KALI 45-24} uṟai varaintaṉar avar uvakkum nāḷ ē